طريقة الغاء الخدمات اللي بتسحب رصيدك سواء كانت شركتك اورنج او اتصالات او فودافون او وي
بتعاني كل ما بتحط رصيد بيتسحب منك وانت مش عارف ايه السبب ؟؟
عندك حدمة معينة ومش عارف تلغيها وبتاخد كل رصيدك ؟؟
رصيدك بيروح وانت مش عارف ايه الخدمات اللي بتسحبه علشان تلغيها ؟؟
الجهاز المركزي لتنظيم الاتصالات قرر يحل المشكلة دي عشان كمية المشاكل والشكاوي اللي بتروحله بسبب حوار الرصيد اللي مش بيقعد وبيتسحب علطول .
اولا كل شركة عاملة مجموعة اكواد عشان تعرف الخدمات اللي عندك علي الخط بتاعها وتلغيها كمان منه . مثلا
اورنج Orangeعاملة كود شباك 8888 شباك #8888# وده بيعرفك الخدمات الترفيهية اللي عندك وكمان بتلغيها منه
اتصالات Etisalat عاملة كود نجمة 166 شباك #166* تقدر تلغي منه كل الخدمات
فودافون Vodefone عاملة كود نجمة زيرو عشرة نجمة زيرو عشرة شباك #010*010*
وي WE معندهاش كود موحد بس عندها مجموعة اكواد هتلاقيها هنا في الموضوع ده 👈👈 من هنا
الجهاز المركزي لتنظيم الاتصالات حس بمعاناة الناس وقرر يعمل كود موحد يخدم عملاء كل الشركات ويسهل عليهم عملية معرفة الخدمات اللي عندهم وازاي يلغوها كمان
الكود هو نجمة 155 شباك #155*
ملحوظة اي كود بيبدأ من الشمال
اقرا ايضا
احدث باقات وعروض اتصالات واهم الاكواد